ROTELIA

ROTELIA

German. Roteln, arx Germaniae in Marchia Durlacensi; nuperô bellô penitus destructa: Hanc, sive donô, sive testamentô Leopoldi, ultimi eius Dynastae, Henricus Hochbergius Marchio, accepit A. C. 1315. vel 1320. obitu Philippi in Badenses translatam. Nata tamen de ea Badensibus, adversus Duces Longavillanos, hac de causa contentio, quod Ioanna Philippi filia A. C. 1504. post mortem Patris Ludovico Duci Longavillano nupta, hereditatis iure terram istam mariti domui intulisse videbatur, quam iam Rodolphus Philippi parens filii e primo matrimonio liberis, veluti praecipui quôdam iure, addixiert. Cuius litis molestias redemêre Badenes, exsolutis 250. sive, ut alii 225. aureorum milibus. Ita securior atque sola his possessio mansit; quamquam titulô Marchionum Rotelensium ne nunc quidem Longavillani abstineant. Vide Tob. Pfannerum, de praecipuis Germaniae Principum gentibus, c. 9. p. 282. et 289.